من و کۆرۆنا
کۆتایی هاتنی هەر شتێک بە واتایی سەرتایەکی نوێ دێت.
من و کۆرۆنا چەند ڕۆژێک پێش ئێستا کۆتایی بە پەیوەندی نێوانمان هات، هەر کەسێک ئەگەر منی ناسیبێت، منی بە کۆرۆناوە ناسیوە. من و کۆرۆنا بە شێوەیک تێکەڵ ببووین، هەندێک جار بیرم دەکردەوە مرۆڤ کوو دەبی ئەوها لەگەل شتێکی بێ گیان تێکەڵ ببێت، بە جۆرێک کە هەموو شتە خۆش و ناخۆشەکانی خۆمم بۆ باس دەکرد. ئەویش بە هەمان شێوە باسی ئەزموونەکانی خۆی بۆ دەکردم. هەندێک جار گەر باسی شتێکم بۆ بکردایە و بە دڵی نەبوایە زویر دەبوو لێم و لە نیوەی ڕێگا پەکی دەخستم، لەوە سەیرتر هەر دەبوایە خۆم ئاشتی بکەمەوە، بە هیچ کەسێک چاک نەدەبوو یەوە خۆم نەبوومایە. دەمگوت ئاخر کوو دررت دێت بە دەستی گریزەوە بمنێریت لۆ ئەو میتنگانە؟ زۆر درر ڕەقانە دەیگۆت زۆری وەچی تووم پێ گەیاندییە ئەتوو چی؟ خۆ نەشدەوێرام زۆر قسە لە قسەی بکەم هەم خۆشم دەویست، هەمیش تەمەنی لە من زیاتر بوو.
من و کۆرۆنا زۆر شتمان هەیە لۆ باس کردن، لە کۆتاجار کە زویر بوو لێم ئیتر تەواو قسەی لەگەڵ نەکردمەوە دوو ساڵ وەستا بەبێ ئەوەی جولەیەک بکات. رۆژێک پێش ئەوەی بیبەن ئیتر لۆ دواجار ماڵئاوایم لێ بکات. نەمدەویست من بیبینم کە دەڕوات، موشتەریەکان لە موسڵەوە هاتبوون بیبەن، هەرچەند هەوڵیان دابوو کۆرۆنا ئیشی نەکردبوو، بەناچاری پەیوەندیان پێوە کردم وتیان شێرە کۆرۆنا داوای تۆ دەکات دەبێ خۆت بێتەوە و چاکی بکەیتەوە. ئیتر بە ناچاری خۆم چووم دووبارە ئاشتم کردەوە و دەستی بە ئیش کردەوە. لە کۆتایدا پێم گۆت بەو ئەندازەیە گەورە بووم کە تۆ پێشبینیت دەکرد، قسە رەقەکانت، حاتلە ناوەختەکانت، رۆژە خۆشی و ناخۆشیەکانت، و هەموو یادگاریەکانت قەت لەبیر ناکەم.
